深圳美食︱TVB節目推薦深圳蟹黃店網民跟住去朝聖　食¥199兩人餐呻中伏

【北上消費/深圳美食/深圳遊/吃貨橫掃深圳/深圳】港人長短假期都喜愛到深圳吃喝玩樂，TVB就趁住這股熱潮推出節目《吃貨橫掃深圳》，有網民看過節目後，就跟住介紹去「搵食」，幫襯一間深圳的蟹黃店，花了199元人民幣(約港元$215），事後卻大呻中伏。

最新影片:

吃貨橫掃深圳｜6號試「蟹一品」被斥表情誇張

港人喜歡北上消費，雖然不少人都大讚內地美食又平又好味，但原來都有「伏位」！有網民在facebook群組「深圳大陸吃喝玩樂交流」跟住TVB推出的節目《吃貨橫掃深圳》到訪蟹黃店花費了199元人民幣（約$215港元）Order了兩人餐，事後留言指「睇完TVB介紹，今日朝聖去試「蟹一品」點咗個二人套餐，199，所有嘅期待不如不期待，中伏。」

照片所見，網民點了二人餐，包括兩碗蟹黃，一碗白飯、一碗齋麵、4碟小菜、一碟春卷及兩支飲料，蟹黃撈落飯或麵中進食。而TVB節目中，陸浩明試食蟹黃撈飯時，表情相當誇張！

▼點擊圖片放大

+8

+7

北上消費︱網民:節目浮誇

有網民TVB是收錢賣廣告，叫網民不要盡信，「出得電視唔係俾錢買廣告、電視會播嗎？」、「廣告全部都係誇誇誇誇張了」、「上得電視99%都廣告，咁都信真係攞黎嚟。」、「我都試咗。不過不失。但香港好似食唔到」、「我都去過，唔知點解好多料，但係毫無味道。」、「節目未做之前都有啲期待，諗住有好嘢食介紹下。一睇之下完全係廣告模式，擺落口嘅嘢全部都浮誇式的好好味！」

▲ 陸浩明表情好誇張。(節目截圖)

吃貨橫掃深圳｜網民平反：抵食夠飽

不過都有網民為該店平反，指現在不是當造期「以前吃食蟹粉，是用新鮮蟹手拆的，現在的蟹粉都是蟹季的時候拆了急凍的，怎會好吃呢！何況現在不是吃蟹的季節，就算飛到上海也不好味。」、「我係半年前去食過，好食，抵食，又夠飽。」、2去年10月份食過，有蟹糕香，可能係季節合時。

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5